Бишкекте тойканалардын биринде иш-чаранын алып баруучуларын микрофон менен чапкан Илимбек Исраилов милицияга жеткирилди.
Бул тууралуу Бишкектин Октябрь райондук ички иштер башкармалыгы кабарлады. Милиция ал Укук бузуулар жөнүндө кодекстин “Майда бейбаштык” беренесине ылайык административдик камакка алынганын, соттун чечими чыкканга чейин райондук башкармалыктын убактылуу камерасында кармалып турарын кошумчалады.
Ага каршы ресторандын администратору арыз жазган.
25-декабрда социалдык тармактарда бир адам микрофон менен алып баруучу эркек кишини, андан кийин анын жанында турган кызды да чаап жибергени тартылган видео тараган. Коомчулукта иш-чаранын алып баруучуларын чапкан адамды жазага тартуу талабы айтылууда.
«Ырыс алды ынтымак» аталышындагы фейсбук-кечесинде тамадалык кызматты УТРКнын алып баруучулары Керемет Сабыржанова менен Чыңгыз Рыскелдиев аткарып жатышкан. Ортого чыккан Исраилов алгач алып баруучу баланы андан соң мырзаларды жардамга чакырган алып баруучу кызды микрофон менен башка чаап салган.
Илимбек Исраилов Азаттык, Кактус, Kloop сайттарына, журналисттерге жана бейөкмөт уюмдарга каршы митингдердин жана нааразылык акциялардын уюштуруучусу жана катышуучусу катары белгилүү. Исраилов эки ирет сот жообуна тартылган бажы кызматынын төрагасынын мурдагы орун басары Райымбек Матраимовду коргоп акцияга чыгып жүргөн.
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Жогорку Кеңештин мурдагы депутаты Дүйшөн Төрөкулов кармалганы маалымдалды. Бишкектин Биринчи май райондук соту Төрөкуловдун бөгөт …
Улуттук коопсуздук боюнча мамлекеттик комитеттин (УКМК) мурдагы кызматкери Азамат Дыйканбаев кармалып, камакка алынганы кабарланды. Маалыматка …
Ош облусунда жасалма VIN-коддор менен атайын техникаларды сатуу схемасы ачыкталды. Бул тууралуу УКМКдан билдиришти. Атайын …
Кант шаарында опузалап акча талап кылган жеке жактоочу кармалды. Бул тууралуу УКМКдан билдиришти. Маалыматка ылайык, …
Токмок шаарынын ишкерлеринен системалуу түрдө ири өлчөмдөгү акча каражаттарын опузалап талап кылуу боюнча мыйзамсыз схема …
