Бүгүн, 28-январда Бишкек шаарындагы Kaktus.media сайтынын кеңсесинин алдында нааразычылык акциясы өтүп жатат. Чогулгандар аталган басылманын жабылышын талап кылууда.
Өзүн жарандык активистмин деп тааныштырган Жолдошбек Сыргаков редакцияга конкреттүү дооматы жок экенин билдирип, чогулгандарга Тажикстандын Кыргызстандагы элчилигине барууну сунуштады.
Бул арада нааразычылык акциясына чыккандардын ортосунда пикир келишпестик жаралды. Акциянын дагы бир катышуучусу Жолдошбек Сыргаковду эки жүздүү деп атады.
Эске салсак, 27-январда Kaktus.media сайты тажик тараптын версиясы тууралуу маалымат чыгарган. Мындан көп өтпөй, социалдык тармактагы айрым колдонуучулар жарыяланган маалымат боюнча терс пикирлерин айтышып, редакция туура эмес маалымат таратып жатат деп айыпташты.
Ал эми Kaktus.media сайтын маалыматтын жарыяланышы боюнча түшүндүрмө берди. Маалыматта айтылгандай, 27-январда Kaktus.media сайтында ASIA-Plus тажик редакциясынын Кыргызстан менен чек арадагы кырдаал тууралуу маалыматын жарыяланган.
«Бул кабардын бирден-бир максаты – кыргыз коомуна тажик тарап кандай маалыматтык саясат жүргүзүп жатканын, бийлиги Тажикстандын карапайым жарандарына окуялардын кандай версиясын айтып жатканын көрсөтүү болгон. Бирок, тилекке каршы, бул идея так айтылган эмес, ошондуктан кээ бир окурмандар бул текстти Kaktus.mediaнын материалы катары кабыл алып алышкан. Редакция так эместиктер үчүн кечирим сурайт. Kaktus.media сайтынын редакциясы кыргыз элинин улуттук кызыкчылыгын дайыма бекем карманып келген», — деп айтылат редакция тараткан маалыматта.
Бишкекте массалык тополоң чыгарып, бийликти кулатууга даярдык көргөн деп кармалып абакта отургандардын арасынан мөөнөтсүз ачкачылык …
Бүгүн, 23-январда төкмө акын Болот Назаровдун кармалышын мыйзамсыз дегендер Ички иштер министрлигинин алдында митингге чыгышты. …
Бүгүн, 22-декабрда Ак үйдүн алдына бийликти басып алууга айыпталгандардын туугандары нааразычылык акциясына чыгышты. Алардын арасында …
ЖКнын имаратынын астына Улуттук коопсуздук комитетинин тергөө абагында отурган депутат Бакыт Жетигеновдун тарапташтары нааразычылык акциясына …
Бүгүн, 29-ноябрда шайлоонун алдын ала жыйынтыгына нааразы болуп, БШКнын алдына чогулган партиялар бийликке 2 күн …
Ош облусунун Кара-Суу районунун сатып алган жерге курган үйүн түрттүрүү коркунучу пайда болгонун айткан тургундары …
