Камактагы экс-депутат Бактыбек Калмаматов «бийлик менен сүйлөшүп, Ахматбек Келдибеков, Исмаил Исаков, Өмүрбек Текебаев жана Жылдыз Жолдошевага карата каршы көрсөтмө берүүдө» деген маалыматтарды четке кагып кат жолдоду. Калмаматовдун кайрылуусун жактоочусу жарыялады.
«Урматтуу мекендештер! Өзүңүздөргө белгилүү болгондой учурда мен камакта отурам. Мага коюлуп жаткан айып акылга сыйбайт жана адилетсиз. Бирок кеп башкада… Тилекке каршы менин душмандарым абакта отурганымдан пайдаланып, үстүмөн ар кандай каралоолорду уюштуруп жатышат. Тагыраагы, мага байланыштуу жалган маалыматтарды социалдык тармактарга жайылтышууда. Камакка алынгандан суракка алынган жокмун. Жактоочуларыман башка эч ким менен сүйлөшө элекмин. «Бийлик менен сүйлөшүп Ахматбек Келдибеков, Исмаил Исаков, Өмүрбек Текебаев жана Жылдыз Жолдошевага карата каршы көрсөтмө берүүдө» деген маалыматтар толугу менен жалган жана кимдир бирөөлөргө каршы көрсөтмө берүү ниетим дагы жок. Тескерисинче мага ар тараптан колдоо көрсөтүп жаткан калың элиме ыраазычылыгымды билдирем»,-деп жазылат катта.
Эске салсак, Жогорку Кеңештин мурдагы депутаты Бактыбек Калмаматов 2022-жылдын 9-февралына чейин камакка алынган. Мындай чечимди 24-декабрда Бишкектин Биринчи Май райондук соту чыгарган. Калмаматов 22-декабрда түнкүсүн «Манас» аэропортунан кармалган. Ага «расалык, этностук, улуттук, диний же аймактар аралык кастыкты козутуу» беренеси менен айып тагылууда. Саясатчынын тарапташтары коюлган айыпты четке кагып, куугунтук катары сыпатташууда.
Орусиянын башкы дипломаты Сергей Лавров Ульяновск облусунда кыргызстандыктардын өмүрү кыйылган кайгылуу окуяга байланыштуу тышкы иштер …
Бишкек шаардык соту мурдагы депутат Бактыбек Калмаматовду үй камагына чыгарды. Бул тууралуу Govori.TVга шаардык соттон …
Президент Садыр Жапаров «Вечерний Бишкек» гезитине берген маегинде Бактыбек Калмаматовдун кылмыш иши боюнча комментарий берип, …
Бүгүн, 11-январда Бишкектин Биринчи май райондук сотунда камактагы экс-депутат Бактыбек Калмаматовдун иши каралып жатат. Жактоочу …
ЖКнын мурдагы депутаты Бактыбек Калмаматовду соттон алып чыккан унаа анын тарапташынын бутун тебелеп кетти. Видеону …
Жогорку Кеңештин мурунку депутаты Бактыбек Калмаматов СИЗО-1 абагында 2022-жылдын 9-февралына чейин камакта калтырылды. Бул маалыматты …
