Камактагы орус оппозициячысы Алексей Навальный менен Покровкадагы абакта бир отрядда жаза мөөнөттөрүн өтөп чыккан Нариман Османов менен Евгений Бурак «Дождь» телеканалына маек берип, аларды оппозициячыга кысым көрсөтүүгө мажбурлашканын билдиришти.
Османовдун айтымында, алар жаза өтөгөн отряд атайын Навальный үчүн түзүлүп, андагылардын баарына оппозициячы менен сүйлөшпөө жана анын ар бир кадамы тууралуу кабарлап туруу тапшырмасы берилген.
Османов абакта Навальный салттуу ориентацияда эмес экени тууралуу тасма көрсөтүлгөнүн билдирди. Бул маалыматты Евгений Бурак да ырастады. Анын айтымында, Навальныйдын жанында дайыма ондон кем эмес адам болуп, чагымчылдык аракеттер менен аны кимдир-бирөөнү уруп жиберүүгө аргасыз кылууга аракеттенишкен. Бирок Навальный алардын мындай чагымчылдыгына алдырган эмес.
Османовдун айтымында, Навальный ачкачылык кармап жаткан күндөрдүн биринде кароолчулар “жарым кап колбаса алып келип”, атайылап анын жанында куурушкан. Мындан тышкары Навальный абактын түрмөсүнөн кайтып келгенден кийинки алгачкы күндөрү анын уктоосуна мүмкүнчүлүк бербей, атайылап кыйкырып, “түрдүү үндөрдү чыгарып турушкан”.
Навальный жыл башында Германиядан дарылануудан келери менен камалган. Ал Кремлдин көрсөтмөсү менен ууландырылганын айтып келет. Москва бул дооматты четке кагууда. Евробиримдик Навальныйдын камалышына жана ууландырылышына байланыштуу орус аткаминерлерине санкция салган.
45 жаштагы Навальный мурда козголгон иши боюнча 2,5 жылга кесилген. Ал бул иштин саясий мүдөөсү бар экенин айтып келет.
Саясатчы Алексей Навальныйдын доо арызы боюнча өтө турган сот отурумдары анын кайсыл жерде экени «такталганга …
ЖАПАРОВДУН ЖАҢЫ МАЕГИ Өнүккөн өлкө болууну каалаган мамлекетте криминалдык чөйрө деген болбошу керек. Мындай пикирин …
ЖАПАРОВ ҮН КАТТЫ Президент Садыр Жапаров Ысык-Көлдөгү төрт пансионаттын Өзбекстанга 49 жылга ижарага берилиши боюнча …
КЫРГЫЗСТАН МЕНЕН ШИНЖАҢДЫН ОРТОСУНДА КОЛ КОЮЛГАН ДОКУМЕНТТЕР Кыргызстандын министрлер кабинетинин төрагасы Акылбек Жапаров Кытай Коммунисттик …
КЫРГЫЗ-ӨЗБЕК ӨКМӨТТӨРҮНҮН ЖЫЙЫНЫ Бүгүн, 16-августта Ысык-Көл облусунун Чолпон-Ата шаарында Кыргызстан менен Өзбекстандын ортосундагы өкмөттөр аралык …
ӨЗБЕК ӨКМӨТ БАШЧЫСЫ КЫРГЫЗСТАНГА КЕЛДИ Бүгүн, 15-августта, Өзбекстандын премьер-министри Абдулла Арипов Кыргызстанга иш сапары менен …
