Бүгүн, 25-сентябрда Жогорку Кеңештин кезектеги жыйыны өтүп жатат. ага президент Сооронбай Жээнбеков да келди.
Билим берүү жана илим министри болуп дайындалган Каныбек Исаков президент, премьер-министрдин катышуусунда ант берди.
Эске салсак, Исаковду кызматка дайындоо тууралуу тиешелүү жарлыкка 11-сентябрда президент Сооронбай Жээнбеков кол койгон эле.
Буга чейин К.Исаков ОшМУнун ректору болуп эмгектенип келген. Ал эми мурунку министр Гүлмира Кудайбердиева өз арызынын негизинде кызматтан бошотулган.