Бишкектин Биринчи май райондук соту экс-депутат Каныбек Осмоналиевди үй камагына чыгарды. Бул тууралуу Govori.TVга жактоочу Шарабидин Токтосунов билдирди.
Маалыматка ылайык, мындай чечим кечээ, 26-июнда чыккан.
“Ден-соолугуна байланыштуу үй камагына чыгарылды. Учурда ал дарыгерлердин көзөмөлүндө”, — деди жактоочу.
Буга чейин Осмоналиевдин ден-соолугу начарлап «Тез жардам» кызматы чакыртылып, COVID-19 вирусуна карата ПЧР-анализ тапшырган. Учурда жыйынтыгы чыга элек.
Эске салсак, Каныбек Осмоналиев 2-мартта Бишкекте камактагы саясатчы Садыр Жапаровду колдоо боюнча митингди алып барган. Нааразылык акциядагы башаламандыктан кийин ошол эле күнү кармалган.