Улуттук коопсуздук мамлекеттик кызматы тарабынан Бишкектин Октябрь райондук ички иштер башкармалыгынын кызматкери кармалды. Бул тууралуу бүгүн, 1-апрелде күч түзүмдөрүндөгү булактарына таянып, Kaktus.media сайты жазды.
Маалыматка караганда, милиция кызматкери өзгөчө абал режими учурунда унаалардын жүрүүсүнө уруксат кагазын $200 долларга сатууга шектелип колго түшүрүлгөн.
«Атайын өткөрмө кагазды милиция кызматкери акчага берген», — деп жазылат маалыматта.