Алматыда мөөнөтүнөн мурда өткөн парламенттик шайлоонун жыйынтыктарына макул эмес экенин билдирген журналист Думан Мухаметкарим 25 суткага камалды. Бул тууралуу анын адвокаты Галым Нурпеисов Facebook баракчасына жазды.
Адвокаттын айтымында, Мухаметкарим «Тынч жыйындарды уюштуруу жана өткөрүү тартиптерин бузуу» беренеси боюнча айыпталган.
Бийлик азырынча журналисттин камакка алынышы боюнча комментарий бере элек.
Думан Мухаметкарим 20-мартта Алматыда өткөн басма сөз жыйынында шайлоонун жыйынтыктары менен макул эмес экенин билдирип, жарандарды тынч митингге чыгууга үндөгөн. Көп өтпөй YouTube’га анын 21-мартта Алматынын борбордук аянтында митинг өткөрүүнү пландап жатканы тууралуу кайрылуусу жарыяланган.
Өткөн жылы октябрда Конаев шаарындагы административдик сот Мухаметкаримди «Тынч жыйындарды уюштуруу жана өткөрүү тартиптерин бузуу» беренеси боюнча күнөөлүү деп таап, 15 суткага камакка алуу чечимин чыгарган. Анда буга журналисттин жарандарды митингге чыгууга үндөгөнү себеп болгону айтылган.
19-мартта Казакстанда парламент мажилиси жана бардык деңгээлдеги маслихаттарга мөөнөтүнөн мурда шайлоо өттү.
Добуш берүүнүн алдын ала жыйынтыктарына ылайык, партиялык тизме боюнча шайлоодо бийликтин партиясы мажилисте көпчүлүк орунга ээ болду. Мындан тышкары партиянын мүчөлөрү бир мандаттуу 29 округда да алдыда болгону кабарланды.
ЕККУнун Адам укуктары жана демократиялык институттар боюнча бюросунун миссиясы эл аралык жана жергиликтүү байкоочулардын ишине киргизилген чектөөлөргө тынчсыздануусун билдирип, добуштарды эсептөөдө «олуттуу процедуралык каталар менен кемчиликтерге жол берилип, протоколдорду салыштырып текшерүү процедурасы аткарылбаганын» белгиледи.
Грузияда «чет элдик агент» мыйзам долбооруна каршы акция өтүп жатат. Бул тууралуу чет элдик басылмалар жазды. …
28-мартта Ош, Кара-Суу жана Баткен бир мандаттуу шайлоо округдары боюнча Жогорку Кеңештин депутаттарын мөөнөтүнөн мурда …
Борбордук шайлоо комиссиясына №2 Баткен жана №9 Кара-Суу бир мандаттуу шайлоо округдары боюнча Жогорку Кеңештин …
ЖКнын “Ата Журт-Кыргызстан” фракциясынын депутаты Абдыбахаб Боронбаев мандатын тапшыруу үчүн Борбордук шайлоо комиссиясына арыз жазды. …
Садыр Жапаров кийинки президенттик шайлоого катышат. Бул тууралуу «Кабар» агенттигине президенттин маалымат катчысы Аскат Алагөзов …
КЫРГЫЗ-ТАЖИК ЧЕК АРАСЫН ТАКТОО 12-январда Баткен облусунда Кыргызстан менен Тажикстандын өкмөттүк делегацияларынын теңтөрагалары Камчыбек Ташиев …
