Алматынын Алмалы райондук соту 2022-жылдын январь айындагы нааразылык акциясында кармалгандарды кыйноого алган үч аймактык полиция кызматкерин үч жылга эркинен ажыратты.
Бул тууралуу шаардык прокуратуранын басма сөз кызматы билдирди.
Маалыматка караганда, тергөө учурунда 2022-жылдын 9-январында Алмалы райондук ички иштер бөлүмүнө жеткирилген үч кишини полиция кызматкерлери кыйноого алынганы далилденген.
«Мыйзамсыз аракеттердин натыйжасында үч жабырлануучу физикалык жактан жабыркаган», — деп айтылат билдирүүдө.
Соттолгон тартип сакчылары атайын наамдарынан жана мамлекеттик кызматта иштөө укугунан ажыратылган.
Бир нече күн мурун Талдыкорган соту үч аймактык полиция кызматкерин 4 жылдан 6 жылга чейин эркинен ажыраткан. Алар да январь айындагы нааразылык акциясында кармалгандарга карата кыйноолорду колдонгон деп табылган.
