Бүгүн, 22-июнда, Бишкек шаарынын Биринчи май райондук сотунда Кемпир-Абаш иши боюнча айыпталуучулардын ишин сотто алдын ала кароо башталды.
Учурда сот залына УКМКнын тергөө абагында жаткан айыпталуучулар алынып келинди. Сот имаратына камактагы саясатчы, блогер, активисттердин жакындары чогулду.
Алардын бири саясатчы Жеңиш Молдокматов сот залына кирип бара жатып, эч кандай тергөө болбогонун айтты.
Белгилей кетсек, абактагылар да, үй камагында жүргөндөр да киргизилди. Жактоочулар кирген соң, эшик жабылып, иш жабык карала баштады. Журналисттер менен айыпталуучулардын жакындары сот залына киргизилген жок.
Былтыр 23-октябрда Бишкекте жыйырмадан ашык оппозициялык саясатчылар менен активисттердин үйүндө тинтүү жүргүзүлүп, адегенде 48 саатка камалган саясатчылар жана активисттер Бишкек шаарынын Биринчи май райондук сотунун чечими менен эки айга камакка алынган. Андан кийин алардын бөгөт чаралары каралып, камактагы мөөнөтү узартылып турган.
Ички иштер министрлигинин (ИИМ) Тергөө кызматы кылмыш жаза кодексинин 36-278-беренеси («Массалык башаламандыктарды уюштурууга даярдануу») менен козголгон кылмыш иштин алкагында тергөө амалдарын жүргүзүп жаткан. Мындан тышкары «Кемпир-Абад иши» боюнча кармалгандарга «Бийликти күч менен басып алууга аракет кылуу» беренеси менен да айыптар тагылган.
Бишкек шаарынын Биринчи май райондук сотунда ЭлТР телеканалынын “ПолитКлиника” медиасына каршы доосу боюнча сот отуруму …
Бүгүн, 5-сентябрда Биринчи май райондук сотунда Кемпир-Абад иши боюнча соттук өттү. Отурумга абактагы саясатчылар Азимбек …
БАЙСАЛОВДУ ИШТЕН АЛУУ СУНУШТАЛДЫ Парламенттин 21-июндагы жыйынында депутаттар Айбек Осмонов, Эрулан Көкүлов Министрлер кабинетинин төрагасынын …
Кемпир-Абад боюнча кармалган саясатчы, активисттердин камактагы мөөнөтү 2 айга узартылды. Маалыматты Биринчи май райондук сотунун …
Кемпир-Абад ишине байланыштуу кармалган саясатчы, активистер Кыргыз Республикасынын Акыйкатчысына, Кыйноолорду алдын алуу борборуна кайрылуу жолдошту. …
Бүгүн, 27-апрелде Ленин райондук сотунда Азаттык медиасынын иши каралууда. Азаттыктын жактоочуларынын суранычы менен 1 саатка …
