Кепшн видео: Кумаркана ачуу мыйзам долбоору депутаттарды кызыл-чеке кылды

• Ысык-Көл облусуна казино ачуу мыйзам долбоору талаш-тартыш менен биринчи окуудан өттү.

• Аталган демилгеге 68 депутат «макул», 23ү «каршы» добушун берди.

• Депутат Зулпукаров кумаркана ачууну колдогон кесиптештерин сындады.

• Бул демилгеге депутат Момбеков да каршы чыкты.

• Айрым депутаттар мыйзам долбоорун түшүнбөй «макулду» басып алганын айтып чыкты.

• Ал арада президент Садыр Жапаров мыйзам долбоорун колдой турганын айтты.

• Долбоорду депутаттар Бактыбек Турусбеков жана Дастан Жумабеков демилгелеген.

• Ага ылайык, Ысык-Көлдөгү «Тамчы» аэропортунун аймагына кумар ойноо зонасы курулат.

• Ал 1200 гектар жерди ээлеп, зонага бир гана чет элдик жарандар кире алат.

• Авторлор муну менен жумушчу орундар түзүлүп, казынага каражат түшөт деген пикирде.

• Кыргызстанда 2012-жылдан баштап кумар оюндарына тыюу салынып, казинолор жабылган.

• Буга кумарканаларга акчасын уттурган жарандардын жакындарынын нааразылыгы жана кумар оюндарына берилген жаштардын саны көбөйгөнү себеп болгон.