Соцтармакта Тажикстанда кыргыз жарандары кармалып турат деген маалыматтар тарады.
Ал арада жакындарын кайтарууну талап кылгандар бүгүн Баткенде нааразычык акцияга чыгышты.
Алардын айтымында, жалпысынан 22 жаран Тажикстанда кармалып турат.
Чогулгандардын арыз-муңун өкмөттүн Баткендеги өкүлү Өмүрбек Суваналиев угуп, кармалгандарды чыгаруу аракети болуп жатканы айтты.
Ал эми УКМК тарап жаткан маалыматтарга жооп берип, фейк деп атады:
«Бул маалымат чындыкка дал келбейт жана фейк болуп эсептелинет. Кыргыз Республикасынын УКМК Чек ара кызматы 2021-жылдын 16-февралында Кыргызстандын 5 жараны Тажикстандын аймагында мамлекеттик чек араны бузгандыгы үчүн кармалгандыгын маалымдайт. Такталгандай, Кыргызстандын беш жараны Тажикстандын аймагынан мыйзамсыз түрдө 900 кг металл, 2 баш бодо мал жана 3 баш майда малдарды ташып кетүүгө аракет кылып жатып, Тажикстандын күч түзүмдөрү тарабынан мыйзамсыз өтүп жаткан учурунда кармалган».
Чек ара көйгөйү Баткендин коңшү өлкө менен чектеш айматарында байма-бай көтөрүлүп турат.
УКМКнын төрагасы Камчыбек Ташиев 18-февралда жашоочулар менен жолугуп, маселелер чечилээрин айткан.
Белгилей кетсек учурда Баткенге өзгөчө статус берүү маселеси каралып жатканын өкмөт башчы Марипов билдирген эле.