Бишкек шаарынын Октябрь районунун прокуратурасы тарабынан айрым милиция кызматкерлери Кыргыз Республикасынын ИИМ Ички иликтөө кызматынын ыкчам кызматкерине каршылык көрсөтүп, анын денесине залакат келтирген фактысы боюнча текшерүү жүргүзүлдү. Бул тууралуу прокуратуранын маалымат кызматы кабарлады.
Маалыматта айтылгандай, 19-апрелде Бишкек шаарынын М.Горький жана Байтик Баатыр көчөлөрүнүн кесилишинде ИИМдин жол кыймылынын коопсуздугун камсыздоо башкы башкармалыгынын жана Ички иликтөө кызматынын ыкчам кызматкерлери «Тойота Камри» үлгүсүндөгү авто унааны башкарып келе жаткан милиция кызматкерлери С.И жана Э.К. текшерүү максатында токтотушкан.
«Текшерүү учурунда, С.И жана Э.К. мас абалда авто унааны башкарып жаткандыгынан күмөн санашып, алкоголь ичимдигин колдонуу фактысын аныктоо боюнча медициналык күбөлөндүрүү жүргүзүү үчүн Республикалык психиатрия жана наркология борборунун бөлүмүнө жеткирилген.
Бирок, С.И. жана Э.К. аталган борбордун имаратынын алдында, күбөлөндүрүү жүргүзүүдөн баш тартып, ИИМнин кызматкерлерине каршылык көрсөтүп, жерде жаткан таш менен А.Ж. аттуу милиция кызматкерин уруп, анын башына жана денесине залал келтиришкен.
Аталган факты боюнча, райондук прокуратура тарабынан ИИМнин кызмат адамдары С.И. жана Э.К. аракетине карата Кылмыш-жаза кодексинин 280-беренеси (бейбаштык) менен кылмыш иши козголуп, тергөө жүргүзүү үчүн Бишкек ШИИБнин тергөө кызматына тапшырылды», — деп жазылат маалыматта.
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
УКМК Мамлекеттик салык кызматынын жана ИИМдин кармалган кызматкерлери боюнча маалымат таратты. Анда айтылгандай, УКМК тарабынан …
Бишкектеги мектептердин биринде 8 жаштагы окуучуну сабаган деп 34 жаштагы киши кармалды. Бул тууралуу Ленин …
Буга чейин милиция тарабынан изделип жаткан Базар-Коргон районунун тургуну үч баласы менен Бишкектен табылды. Бул …
Ошто окуучу кызды директору сабады деп милицияга арыз түштү. Ош ШИИБден билдиришкендей, Ош шаарынын тургуну …
Социалдык тармактарда “Кыргызнефтегаз өлкөнүн бардык тургундары үчүн микроинвестициялардан акча табуу мүмкүнчүлүгүн ачты” деген чындыкка дал …
