• Бейшемби 25 Чын куран 2024
  • Четверг 25 Апрель 2024

Клексан даарысын спекулянттар кымбат баада сатып жаткан жеринен кармалышты

13 Теке 2020 0:25 Бишкек Govori.TV

Дары-дармек каражаттарын кымбат баада сатып жаткан “спекулянт” алып сатарларга карата бир катар сотко чейинки териштирүүлөр башталды

Учурда республиканын аймагында ЭККМК кызматкерлери дары-дармек каражаттарына жана медбуюмдарга бааны негизсиз кымбаттатууну жоюуга багытталган туруктуу түрдө рейддик чараларды көрүүдө. 

Мындан улам, тийиштүү иш-чараларды жүргүзүүнүн жүрүшүндө айрым жеке тараптар дары-дармектерди кымбат баада сатып жатканы аныкталган, муну менен алар мыйзамсыз негизде (тийиштүү лицензиясыз) учурда орун алган дүрбөлөңдөн жана дары-дармек каражататтарынын жетишсиздигинен пайдаланып, акча табууну көздөшкөн. 

Аталган факт Финансы полициясы тарабынан мындан аркы контролдук сатып алууларды жүргүзүү үчүн негиз болуп берди.

Сотко чейинки өндүрүштүн алкагында контролдук сатып алуулар жүргүзүлдү, анда атайын уруксат кагаздары жок  жеке тараптардын дары-дармектерди кымбаттаган баада сатып жаткандыгы боюнча бир катар фактыларды табышты. 

Финполициянын кызматкерлери  “Клексан” дарысын шаардын бир нече жеринен 8 миңден 14 миң сомго чейин кымбаттатып жиберген учурларын аныкташты.

Азыркы учурда  аныкталган адамдарга (алып сатарларга) карата сотко чейинки өндүрүш иштери башталды, жыйынтыгы боюнча катыштыгы бар адамдардын аракеттерине тийиштүү укуктук  баалар берилип, процессуалдык чечимдер чыгарылат.

Финполиция жашоого маанилүү дары-дармектерди баасынан ашыкча кымбаттатып сатуу менен алектенген кара ниет “кызыл кулак” жарандарды учурдагы жагдайды пайдаланбоону жана элдин эсебинен “байып” кетпөөнү эскертет. 

Алып сатарлык фактыларына катуу бөгөт коюлат!

Количество просмотров: 235