Бүгүн, 11-майда Бишкектин Биринчи май райондук сотунда Кой-Таш окуясы боюнча соттук отурум өтүүдө.
Маалыматка ылайык, айыпталуучулар УКМК менен №1 тергөө абагынан алынып келинди. Сот залында иш боюнча өтүп жаткандардын ичинде мурдагы президент Алмазбек Атамбаев дагы бар.
Райондук соттун имаратына айыпталуучулардын туугандары жана жакындары чогулганын көрүүгө болот.
Эске салсак, 7-8-августта Кой-Ташта мурдагы президент Алмазбек Атамбаевди кармоо операциясы жүргөн. Анда мурдагы президенттин тарапташтары каршылык көрсөтүп, эл менен кагылышуунун натыйжасында, УКМКнын «Альфа» атайын түзүмүнүн кызматкери каза болгон жана 200дөн ашык адам жабыркаган.