Бүгүн, 15-апрелге караган түнү коменданттык сааттын эрежелерин бузган 58 адам аймактык милиция пункттарына жеткирилип, 5 автоунаа айып короого токтотулган. Текшерүү иштери Бишкек, Ош, Жалал-Абад шаарлары, Ноокат, Кара-Суу, Сузак райондорунда жүргүзүлгөн.
ИИМдин басма сөз кызматынын маалыматы боюнча, кармалгандардын ичинен:
— Бишкек шаары боюнча 43 адам;
— Жалал-Абад шаары боюнча 7;
— Ош шаары боюнча 1 адам;
— Сузак району боюнча 4;
— Кара-Суу району боюнча 3 адам бар.
Ноокат районунда тартип бузуулар катталган жок. Жалпысынан коменданттык саат башталган 25-марттан бери 2576 адам тартип бузганы үчүн кармалган.
