Коронавирус илдетине байланыштуу быйыл Евровидение-2020 ыр сынагы өтпөй калды. Бул тууралуу 18-мартта сынактын уюштуруучулары билдиргенин чет элдик басылмалар жазды.
Белгилүү болгондой, конкурс быйыл 12-16-майда Нидерланддын Роттердам шаарында өтмөк.
Европа телерадиоберүү бирикмеси мындай чечимге «COVID-19 вирусунун бүтүндөй Европага жайылышы себеп болгонун маалымдаган.
Eurovision сынагы — 1956-жылдан бери өткөрүлүп келаткан популярдуу шоу. Былтыр Израилде уюштурулуп, нидерланддык Дункан Лоуренс жеңүүчү болгон.