Кумарканалар үчүн салыктын көлөмүн азайтуу токтом долбоору коомдук талкууга коюлду

Экономика жана соода министрлиги кумарканалар үчүн салыктын көлөмүн азайтуу боюнча токтом долбоорун коомдук талкууга койду.

Министрлик мындай өзгөрүү инвесторлорго ыңгайлуу шарт түзүү максатында жүрүп жатканын, өлкөдөгү жана дүйнөдөгү экономикалык кырдаалды эске алуу менен бүгүнкү күндүн талаптарына жооп берген салыктык ставка иштелип чыкканын билдирди.

Ага ылайык, бааларды төмөнкүдөй кылып өзгөртүү сунушталган:

Кумарканадагы бир оюн столу (флот) үчүн:

• 2023-жылы – 450 000 сом; (азыркы талап боюнча 1 млн. сом)
• 2024-жылдан тартып – 600 000 сом; ( азыр 1 млн. 250 миң сом)

Оюн автоматтар жана компьютердик симулятор залдарында бир оюн автоматы үчүн:

• 2023-жылы – 10 миң сом; (азыр 75 миң сом)
• 2024-жылдан тартып — 15 миң сом; (азыр 100 миң сом)