2022-жылдын 26-апрелинде Кыргыз Республикасынын Кувейт Мамлекетиндеги Атайын жана Ыйгарым укуктуу Элчиси Азамат Карагулов Кувейт Мамлекетинин Соода, өнөр-жай палатасынын Башкы директорунун орун басары Эмад Аль-Заид мырза менен жолугушту. Бул тууралуу ТИМдин басма сөз кызматы билдирет.
Сүйлөшүүнүн жүрүшүндө Элчи А.Карагулов Эль-Кувейттеги Элчиликтин ишмердүүлүгүнө токтолуп, экономикалык дипломатияны жана анын негизги багыттары катары Кувейт менен соода-экономикалык байланыштарды кеңейтүү милдеттерин белгиледи. Ал Кувейтте Кыргызстандан келген тамак-аш азыктарын сертификациялоо иштеринин аякташы, эт, балык жана бал өндүрүмдөрүн жеткирүүдөгү ийгиликтүү тажрыйба, жалпысынан эки өлкөнүн жеке секторунун мүмкүнчүлүктөрү кеңейгени тууралуу Кувейттен Бишкекке жана Ошко түз каттамдардын ачылганына шилтеме кылуу менен айтып берди.
Өз кезегинде башкы директордун орун басары Э.Аль-Заид Кувейт Мамлекетинин азык-түлүк коопсуздугун камсыздоо жана азык-түлүк менен камсыздоону диверсификациялоо боюнча милдеттерине токтолуп, ушуга байланыштуу Кыргызстандан эт, сезондук жашылча-жемиштерди импорттоого өзгөчө кызыкдар экенин билдирди. Мындан тышкары, ал Кыргызстандын тигүү өнөр-жайынын продукцияларына, атап айтканда, табигый жүндөн, булгаарыдан, пахтадан жана жибектен жасалган өндүрүмгө кызыга турганын билдирди.
Муну менен катар Кувейттин Соода, өнөр-жай палатасынын делегациясынын Бишкекке иш сапарынын убактысы жана азык-түлүк товарларын жеткирүүгө адистешкен бизнес чөйрөлөрүнүн жолугушуусун өткөрүү боюнча пикир алмашуу болду. Ошону менен бирге Э.Аль-Зайд Кыргызстандын өндүрүшчүлөр делегациясынын Кувейтке болгон иш сапарын кубаттап, ал үчүн атайын продукциялардын көргөзмө-жарманкесин уюштурууга, ошондой эле Эль-Кувейт шаарында туруктуу иштей турган кыргыз көргөзмө залын ачууга көмөктөшүүгө даяр экендигиндигин ырастады.
Күн мурун Кыргызстан менен Кувейттин футбол курама командалары жолдоштук беттеш өткөрүштү. Кыргыз футбол союзунан билдиришкендей, …
Кыргызстандыктар Эмгек, социалдык камсыздоо жана миграция министрлиги аркылуу Кувейтте мыйзамдуу иштей алышат. бул утуралуу ведомствонун …
Министрлер кабинетинин биринчи орун басары Адылбек Касымалиев жана финансы министри Алмаз Бакетаев Кувейтте Ислам өнүктүрүү …
Кыргызстан Кувейт мамлекети менен аба каттамдарын жандандырды. Бул тууралуу Жарандык авиация агенттигинен билдиришти. Жарандык авиация …
Бишкекке «Ас Салам» фондунан 560 кычкылтек концентратору келди. Кычкылтек концентраторлорун алып келген учак бүгүн «Манас» …
«Ош» эл аралык аэропортуна «Кувейт-Ош-Кувейт» багыты боюнча узгултуксуз жаңы каттам ачылды. Бугун, 2019-жылы 28-октябрда «Jazeera …
