“GOVORI.TV” мультимедиялык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында тренинг өткөрдү. Ага өлкөбүздүн 7 дубанынан алдыңкы айымдар келди.
Аймактардан келген алдыңкы айымдар «Кыйын» аталышындагы телевизиондук ток-шоусунда өлкөдөгү орчундуу көйгөйлөрдү талкуулашты. Бүгүнкү чыгарылышта «Контейнерде билим алуу. Айылдагы мектептердин абалы» деген тема талкууланат.
Катышуучулар: Бердике айыл өкмөтүнүн кызматкери Сайрагүл Акылбекова, Ж. Сатылганов атындагы орто мектептин мугалими Ажаркүл Тиленбаева, Миң-Булак айылынын жергиликтүү кеңешинин депутаты Жаңыл Козубекова.
Модераторлор: Кайыргүл Урумканова.