Биринчи май райондук милициясы «Финполдун кызматкеримин» деп Жогорку Кеңештин депутаты Кубанычбек Жумалиевден 20 миң доллар пара талап кылган жаранды кармады. Бул туурасында Бишкек ШИИБдин маалымат кызматы кабарлады.
Маалыматка ылайык, Жогорку Кеңештин депутаты Кубанычбек Жумалиев белгисиз «А» аттуу адам Финансы полициясы тарабынан козголгон кылмыш ишин токтотуш үчүн 20 миң доллар талап кылып жатканына даттанып, 5-декабрда кайрылган.
Бул факт бирдиктүү реестрге Жазык кодексинин 203-беренеси («Акча талап кылуу») боюнча катталып, сотко чейинки териштирүү башталган. Ал эми акча талап кылган адам 20-декабрь күнү Жумалиевден 2 миң доллар алып жаткан жеринен кармалган. 24 жаштагы шектүү Т.А. эч жерде иштебеси, Бишкектин тургуну экени аныкталды. Ал Финполицияга эч кандай байланышы жок экенин, акчадан кыйналганда ушул жолго барганын милиция кызматкерлерине айтып берген. Учурда кармалган жарандын башка ушул сыяктуу иштерге тиешеси бар-жогу аныкталууда.
Бул арада Финпол Кубанычбек Жумалиевге карата ачылган сотко чейинки териштирүү улантылып жатканын билдирип, жалган маалыматттарга ишенбөөгө чакырды.
Белгилей кетсек, үстүбүздөгү жылдын май айында Башкы прокуратуранын бирдиктүү реестрине Жазык кодексинин 323 («Мыйзамсыз баюу») жана 324-беренеси («Кызмат адамдарынын ишкерликке мыйзамсыз түрдө аралашуусу») боюнча иш катталган. Анын алкагында Жумалиевге карата Финпол сотко чейинки өндүрүш ачып, мүлкүн териштире баштаган.
Кубанычбек Жумалиев 1998-2004-жылдар аралыгында транспорт жана байланыш министри, премьер-министр болуп иштеген. 2015-жылы «Бир Бол» партиясынын тизмеси менен Жогорку Кеңешке депутат болгон.
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
Ошто опузалап акча талап кылган уюшкан кылмыштуу топтун мүчөлөрү кармалды. Бул тууралуу Ички иштер министрлигинен …
Улуттук коопсуздук мамлекеттик комитети уюшкан кылмыштуу топтун мүчөсү катары каттоодо турган чет элдик жаранды кармады. …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Бишкек шаардык милициясы 4-апрелде 34 жаштагы аялдын өлүмүнө шектүү кармалганын билдирди. Бул тууралуу ушул эле …
