Кыргызстандын футбол боюнча курама командасы Сингапур курама командасын 2:1 эсебинде жеңди.
Жолдоштук беттеш бүгүн, 11-ноябрда Араб Эмираттарындагы «Аль-Хамрия» стадионунда болуп өттү.
3-мүнөттө Айзар Акматов Фархат Мусабеков өткөрүп берген топту башы менен дарбазага киргизип, эсепти ачса, 9-мүнөттө чабуулчу Эрнист Батырканов экинчи голду киргизди. 21-мүнөттө атаандаштар бир гол жаратууга жетишти.
Кыргызстан менен Сингапур командалары 20 жыл мурда, 2001-жылы дүйнө чемпионатынын тандоо турунда кез келип, ошондон бери ойной элек болчу.