Кыргыз-тажик мамлекеттик чек ара аймагындагы кырдаал салыштырмалуу туруктуу деп мүнөздөлүүдө. Бул тууралуу Улуттук коопсуздук мамлекеттик комитетинин Чек ара кызматы кабарлады.
Маалыматка ылайык, 25-декабрь күнү болжол менен саат 14:30 чамасында Баткен облусунун Лейлек районуна караштуу Сай жерлигинин тушундагы такталбаган аймакта Тажикстандын чек арачылары өздөрүнүн аймагындагы постко миномет орнотушкан. Кыргызстандын Максат жана Дамба айылдарынын тушунда Тажикстандын аймагында кошумча тажик аскер кызматкерлеринин пайда болуусу байкалган.
Кечке жакын саат 19:40 чамасында Ош-Баткен-Исфана унаа жолунун аймагындагы Көк-Таш айылынын Эки-Таш жерлигинде Тажикистандын жарандары Кыргызстандын жарандарынын болжол менен 4 автоунаасын таш бараңга алышкан. Жыйынтыгында автоунааларга зыян келтирилип, Кыргызстандын жарандары жабыркаган эмес.
Чыр-чатак орун алган жерге Кыргызстандын Көк-Таш чек ара заставасынын башчысы келип, эскертүү иретинде 3 жолу асманга ок аткандан кийин Тажикстандын жарандары өздөрүнүн аймагына качып кирип кетишкен.
Чыр-чатак орун алгандан кийин дароо эле Кыргызстан менен Тажикстандын чек ара застава башчылары кырдаалды жөнгө салуу жана кошумча чек ара кезметтерин коюу максатында жолугушкан. Тажик тарап өз учурунда чыр-чатакка тиешеси бар адамдарды издөө жүргүзөөрүн билдирди.
Чыр-чатактын күчөп кетпөөсүн алдын-алуу максатында жеринде Баткен чек ара отрядынын башчысы жана КР УКМКнын Чек ара кызматынын Баткен облусу боюнча башкармалыгынын башчысы иш алып барышууда.
Чек ара чырында дайыма эл жабыркайт. Мындай пикирин Жогорку Кеңештин депутаты Миргүл Темирбаева билдирди. Анын …
Ворух жолу чечилсе, башка маселелер жөнгө салынмак. Мындай пикирин Жогорку Кеңештин депутаты Марлен Маматалиев билдирди. …
Мурдагы жетекчилер чек ара маселесин чечүүгө көп аракет кылышкан эмес. Мындай пикирин Улуттук коопсуздук боюнча мамлекеттик …
Эч бир жерди анклавга айлантпайбыз. Бул тууралуу Улуттук коопсуздук боюнча мамлекеттик комитеттин (УКМК) төрагасы Камчыбек …
УКМКнын төрагасы Камчыбек Ташиев кол койгон №39 протоколдун коркунучу бар. Бул тууралуу «Азаттык” партиясынын төрагасы, …
Ворухка жол салууга каршымын. Мындай пикирин Жогорку Кеңештин депутаты Жеңишбек Токторбаев билдирди. «Депутаттар Төрт-Көчө аймагына …
