Бүгүн, 19-ноябрда Бишкектеги Дөлөн Өмүрзаков атындагы стадиондо, Кыргызстан менен Тажикстандын курама командалары беттешип жатат. Оюн 2022-жылы Катарда өтө турган футбол боюнча дүйнө чемпионатынын тандоо оюндарынын алкагында өтүүдө.
Оюндун 16-мүнөтүндө тажик футболчусу Жахонгир Эргашев гол киргизип, эсепти ачты. Учурда беттештин 1-таймы аяктап, командалар 15 мүнөттүк эс алууга кетишти.
Кыргызстан менен Тажикстандын курама командалары беш турдан кийин F тайпасында алтыдан упай топтоп, тайпадагы 2-орун үчүн ат салышып келатат.
