Бишкек.29.07.2019.Govor.TV.
Кыргызстандын балбандары грек-рим, эркин жана кыз-келиндердин күрөшү боюнча кадеттер арасындагы дүйнөлүк чемпионатка катышат. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы кабарлады.
Маалыматка ылайык, аталган чемпионат Болгариянын София шаарында 29-июлдан 4-августка чейин өтөт. Кыргызстандын намысын жалпысынан 25 балбан коргоп, алардын сегизи кыздар.
Кошумчалай кетсек,
спортчулардын аталган мелдешке катышып келүүсү үчүн Олимпиадалык спорттун
түрлөрү боюнча дирекциядан 1 миллион 352 миң сом бөлүнгөн.
