Бишкек.24.07.2019.Govori.TV.
Башкортостанда өтө турган «Күмүш Акбузат» эл аралык фестивалына Кыргызстандык төрт тасма катышат. Бул тууралуу Кыргызстандын Кинематографияны өнүктүрүү фондунан кабарлашты.
Маалыматка ылайык, фестиваль 24-27-август күндөрү Башкортостандын борбору Уфа шаарында өтөт. Аталган фестивалда Кыргызстандын атынан эки оюн жана эки даректүү тасма ат салышат. Айбек Дайырбековдун «Дарак ыры» тасмасы (Россия менен бирге) Этникалык жана улуттук кино бөлүгүндө катышат. Ал эми Бекзат Пирматовдун «Аврора», Азамат Шаршеновдун «Жашоо керемет» жана Ибадылла Ажыбаевдин «Мугалим» тасмалары фестивалдын социалдык жана мотивациялык кино бөлүгүндө көрсөтүлөт.
Белгилей кетсек, аталган фестивалга 10 өлкөдөн 48 тасма катышат.
