Лионель Месси каршылашын эң мыкты алдап өтүүчү футболчу аталды

«Барселона» клубунун чабуулчусу Лионель Месси футбол боюнча алдыңкы 5 Европа лигасында каршылашын мыкты алдап өтүүчү футболчу аталгандыгын Squawka сайты билдирет.

Маалыматка ылайык, Opta Sports компаниясы 2006-2007-жылдагы сезондон баштап мыкты алдап өткөн футболчулардын статистикасын жүргүзө баштаган. Акыркы 13 жылда Месси бул көрсөткүчтө мыкты деп табылып келет.

Аргентиналык оюнчу 1880 жолу каршылашын алдап өткөн, алардын 57,2%ы жемиштүү болгон. Экинчи орунда «Реалдын» оюнчусу Эден Азар турат (1220, 57,1%). Үчүнчү сапка «Фиорентина» командасынын жарым коргоочусу Франк Рибери (939, 47,9%) жайгашкан.

Ал эми, Криштиану Роналду тизменин бешинчи орунуна илинген. Ал 816 жолу алдаса, 44%ы жемиштүү болгон.

Алдыңкы 5 Европа лигасындагы 10 мыкты футболчу:

1. Лионель Месси («Барселона») — 1880 алдаса, 57,2%ы жемиштүү болгон
2. Эден Азар («Реал») — 1220, 57,1%
3. Франк Рибери («Фиорентина») — 939, 47,9%
4. Серхио Агуэро («Манчестер Сити») — 832, 46,6%
5. Криштиану Роналду («Ювентус») — 816, 44%
6. Хоакин («Бетис») — 798, 50,9%
7. Хатем Бен-Арфа (франциялык оюнчу) — 770, 50,6%
8. Андрес Иньеста («Виссел Кобе») — 739, 60,9%
9. Роберто Фирмино («Ливерпуль») — 736, 56,8%
10. Неймар («Пари Сен-Жермен»)- 734, 50,2%.

Булак: Кабар