УКМКнын төрагасы Камчыбек Ташиев Ош облусунун Өзгөн районунун тургундары менен болгон жолугушууда атасы же энесине асыла турган адамдын тилин жулуп алааары тууралуу билдирүү жасады.
Белгилей кетсек, жолугушуу Куршаб айыл өкмөтүндө болуп, ага келген Ташиевди бир топ эле тосуп алды. Чогулган эл бийликтин аракетине нааразычылыгын билдирди. Сөз алган жергиликтүү тургун Ташиевге өз пикирин айтып кайрылды.
«Баарыбыз ушул жерде — Өзгөндө чоңойдук. Жерибизден баш тартпайбыз. Өзүбүзгө жерибиз жетпейт, бирок Кемпир-Абадды өзбектерге бересиңерби? Элдин жерлерин жеке адамдыкындай же силердин атаңарга же энеңерге таандыктай болуп өз билгендей калчап жатасыңар», — деп айтып жатканда Ташиев анын колунан микрофонду тартып алды.
«Менин атам менен апама асылба» деди Ташиев жооп иретинде.
Өз сөзүн Камчыбек Ташиев трибунада туруп улантып, элге кайрылды.
«Урматтуу эл. Мен сизге жакшы ниет менен келдим, бирок араңызда атайылап чагымчылдык кылган 20-30 жигит бар. Чоң ата, чоң энеге асылып жатышат, аларга тийбегиле! Менин атама асылгандын любоюнун тилин жулуп алам», — деди Ташиев.
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бүгүн, 26-апрелде «Бүтүн Кыргызстан» фракциясынын лидери, депутат Адахан Мадумаров камактан чыкты. 26-мартта Бишкектин Биринчи Май …
Бишкек шаарындагы 996,18 чарчы метр аянттагы, суммасы 127 млн сомду түзгөн 12 даана кыймылсыз мүлк …
Чолпон-Ата шаарындагы «Жетиген» базарынын — «Курорторг Жетиген» ААКсынын акционери жана ошол эле учурда директору болуп …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Чүй облусунун аймагында баңгизаттарды алып-сатып жүргөн жарандардын үйлөрүндө тинтүү иштери жүргүзүлдү. Бул тууралуу Улуттук коопсуздук …
