Нарын облусунун Ат-Башы районунун прокуратурасы тарабынан райондук маданият бөлүмүндө жүргүзүлгөн текшерүүнүн жыйынтыгы менен кызмат абалынан кыянаттык менен пайдалануу фактысы аныкталды. Бул тууралуу Башкы прокуратуранын басма сөз кызматы билдирди.
Нарын облустук капиталдык курулуш башкармалыгы тарабынан, мамлекеттик сатып алуунун жыйынтыгы менен жеңүүчү болуп табылган, “Ат-Башы Жаштар Курулуш” ЖЧКсы менен 2019-жылдын 13-сентябрында Ат-Башы айылындагы “С.Андабеков” атындагы маданият үйүнүн имаратында 16 млн. 685 миң 234 сомдук капиталдык оңдоо иштерин жүргүзүү жөнүндө келишим түзүлгөн.
“Ат-Башы Жаштар Курулуш” ЖЧКсы 2019-жылдын октябрь айынан баштап 2023-жылдын май айына чейин маданият үйүндө 15 млн. 997 миң сомдук капиталдык оңдоо иштери бүткөрүлгөндүгү туурасында башкармалык тарабынан кабыл алуу актылары түзүлүп, акча каражаттары ЖЧКнын эсебине которулган.
Бирок, башкармалыктын жооптуу кызмат адамдары, кызмат абалынан кыянаттык менен пайдаланышып, башка адамдар үчүн пайда көрүү жана артыкчылык табуу максатында аткарылбаган жумуштарга акча которушуп, ошондой эле маданият үйүнө коюлган концерттик отургучтар (кресло), кондиционерлер, жылыткычтар (конвекторлор), насос, суу жылыткычтардын баарысын базар баасынан кымбат баада мыйзамсыз кабыл алышкандыгынын кесепетинен мамлекетке 1 млн 604 миң 259 сомдук материалдык зыян келтирилген.
Аныкталган факт боюнча кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголуп, тергөө аракеттерин жүргүзүү үчүн Ат-Башы РИИБнин тергөө кызматына жиберилди.
Нарын облусунун бюджети үч эсеге өстү. Бул тууралуу президент Садыр Жапаров бүгүн, 23-июнда Нарын облусуна …
Президент Садыр Жапаров бүгүн, 23-июнда иш сапары менен Нарын облусуна барат. Бул тууралуу президенттин басма …
Туристтик-экологиялык милиция кызматкерлери Чолпон-Ата шаарында көл жээкте эс алуучуларга түшүндүрүү иштерин жүргүзүп, балык уулоону сүйүүчүлөрдүн …
Курулуш министрлигинин маалыматына ылайык, Нарын шаарында 100 койкалуу төрөт үйү курулууда. Долбоор республикалык бюджеттин эсебинен …
Чүй облусунун тургуну Кемин районунун тоолорунан жапайы жаныбарларга мыйзамсыз мергенчилик кылганы үчүн кармалды. Жаратылыш, экология …
Нарында мыйзамсыз курал сактагандар аныкталды. Бул тууралуу УКМКдан билдиришти. Маалыматка ыдайык, «Ок атуучу куралдарды, ок-дарыларды, …
