Акжол Махмудов Казакстанда өтүп жаткан күрөш боюнча Азия чемпионатынын финалына чыкты.
Махмудов грек-рим күрөшү боюнча 77 кг салмакта мелдештин чейрек финалынан баштап катышууда.
Алгач түркмөнстандык балбанды 9:0 эсебинде жеңип, жарым финалга өттү. Анда Махмудов япониялык Кодай Сакурабага каршы килем үстүнө чыкты. Бул күрөштө кыргыз балбаны кыйла күчтүү экенин далилдеп, атаандашын 9:1 эсебинде утту.
Белгилей кетсек, Азия чемпионаты 9-14-апрель күндөрү Астана шаарында өтүүдө.
