Бишкекте болгон укук коргоочулардын мамлекеттик эмес бирикмелердин каражат булактарын ачыктоо тууралуу мыйзамды талкулаган форумда белгисиз жарандар менен «Адилет» клиникасынын кызматкерлеринин ортосунда пикир келиштестик орун алып, жакалашып, түртүшкөнгө чейин барышты.
Форум болуп жаткан жерге коомдук бирикменин мүчөлөрүбүз деп өздөрүн тааныштырган аялдар келген. Ал эми уюштуруучулар кайсы бирикмеден келгендиктерин тактоону суранышкан, ал эми аялдар бирикмесин тактап айтышкан эмес. Мындан соң чыр чыгып, аялдар менен келген эркек адамдар «Адилеттин» юристин түртүп жиберген.
