Бишкек.23.07.2019.Govori.TV.
“Манас” аэропортунун кызматкерлери тамакка ууланышты. Бул тууралуу Мамлекеттик санитардык-эпидемиологиялык көзөмөлдөө борборунан кабарлашты.
Маалыматка ылайык, Республикалык клиникалык жугуштуу оорулар ооруканасына 19-июлдан 21-июлга чейин 10 кызматкер кайрылган. Алардын сегизи ооруканага жаткырылып, эки киши амбулатордук дарыланууга жиберилген.Ооруканага кайрылгандар 18-июль күнү түшкү жана кечки тамактануу үчүн аэропорттун аймагындагы «Экипаж» ашканасында даярдалган муздак куксиге ууланышкан.
Буга байланыштуу Мамлекеттик санитардык-эпидемиологиялык көзөмөлдөө борбору ысык аба ырайынан улам тамак-аштын, ошондой эле, даяр тамактардын тез бузуларын эскертет.
