Ушул жылдын 7 айынын жыйынтыгы боюнча экономикада оң жылыштар бар, ошол эле учурда алдыда иштеле турган маселелер арбын. Бул тууралуу Министрлер кабинетинин төрагасы Улукбек Марипов биринчи жарым жылдыкта өлкөнүн социалдык-экономикалык өнүгүүсүнүн жыйынтыгын караган министрлер кабинетинин кезектеги жыйынында билдирди.
«Товарды маркалоо ишке киргизилди, ал бюджетти салыктык кирешелер менен толтурууга шарт түзө баштады. Быйыл бюджеттик каражаттын тартыштыгына, COVID-19 пандемиясына каршы күрөшүүгө кеткен чыгымдарга карабастан, биз бир катар салыктарды төлөөдөн бошотуу жана салыктык жеңилдиктерди түзүү боюнча белгилүү кадамдарды жасадык. Бул аракеттерди Кыргыз Республикасынын Президенти да колдоду. Экономикалык жана фискалдык саясаттагы айрым чаралардын натыйжасында салыктын ар бир түрү боюнча салыктык түшүүлөрдүн көлөмү 20дан 40%га чейин жогорулады. Ошондой эле, бул жылы медицина, маданият жана аскер кызматкерлеринин айлык акылары жогорулатылды», – деди ал.
Улукбек Марипов белгилегендей, өлкөнүн азык-түлүк жана энергетикалык коопсуздугун камсыз кылуу маселелери Кыргыз Республикасынын Министрлер Кабинетинин өзгөчө көзөмөлүндө.
«Кабыл алынган антикризистик план толугу менен аткарылышы керек. Жылдын аягында анын аткарылышына баа берилет. Эң негизгиси күзгү-кышкы жылытуу мезгилинин ийгиликтүү өтүшүн камсыз кылуу жана азык-түлүк коопсуздугун камсыздоо. Мындан ары республиканын ар бир району үчүн инвестицияларды тартуу жана жаңы жумуш орундарын түзүү үчүн инвестициялык долбоорлорду иштеп чыгуу зарыл. Мындан тышкары, салык жана бажы процедураларын санариптештирүү боюнча иштерди күчөтүү зарыл», – деди ал.
Кыргызстандын Сауд Аравия Падышалыгындагы элчиси Улукбек Марипов 28-мартта Ислам кызматташтык уюмунун (ИКУ) башкы катчысы Хиссейн …
Кыргыз Республикасынын Президенти Садыр Жапаров кол койгон Жарлыкка ылайык, Марипов Улукбек Асамидинович Кыргыз Республикасынын Сауд …
Мурдагы премьер-министр Улукбек Мариповдун талапкерлиги Кыргызстандын Сауд Арабиядагы, Улуттук коопсуздук боюнча мамлекеттик комитеттин мурдагы төрагасы …
Министрлер кабинетинин мурдагы төрагасы Улукбек Марипов социалдык тармактагы баракчасы аркылуу видеокайрылуу жасады. Ал төрагалык кызматта …
Кыргыз Республикасынын президенти Садыр Жапаров кол койгон Жарлыкка ылайык, Кыргыз Республикасынын Конститутциясынын 71-беренесине ылайык, Марипов …
Кыргызстанда Министрлер кабинетинин курамы алмашары күтүлүүдө. Бул тууралуу «Азаттык» өкмөттөгү өздүк булактарына таянып жазды. Маалыматка …
