Министрлер кабинетинин төрагасы Улукбек Марипов Орто-Токой суу сактагычынын абалы менен таанышты. Бул тууралуу министрлер кабинетинин басма сөз кызматы билдирди.
«Көрүнүп тургандай, суу сактагычта чындыгында суу аз. Суунун деңгээли төмөндөдү, Чүй облусунда сугат суунун жетишсиздигинен улам Орто-Токой суу сактагычынан суу алынып жатат. Бул аргасыз чара болууда, кырдаал жөнгө салынары менен суу сактагычтан сууну кое берүү көлөмү кыскартылат», — деди Улукбек Марипов.
Суу сактагычтын абалы менен таанышууда Марипов бир катар маселелерди көтөрдү.
«Өлкөдөгү азык-түлүк коопсуздугу негизинен айдоо аянттарын сугат суу менен камсыз кылуудан көз каранды. Эгерде сугат каналдары тазаланбаса жана оңдолбосо, сууну кое берүүнүн натыйжасы төмөн болот. Суу талааларга жетпей калат. Бул маселе жылдан жылга курчуй берет. Сууга байланыштуу маселерди чечүү үчүн сууга болгон тарифтерди кароо, жергиликтүү суу пайдалануучулар ассоциациясынын жоопкерчилиги сыяктуу комплекстүү мамиле керектелет. Эгерде бул ассоциациялар айыл өкмөтүнүн балансында болсо, анда каражаттар жергиликтүү казнага түшүп, дыйкандар жергилктүү бийликтен тийиштүү суунун көлөмүн талап кыла алат. Учурда Министрлер Кабинетинин күн тартибинде бул маселелер турат», – деп белгиледи Улукбек Марипов.
Мындан тышкары, Улукбек Марипов кайтарылган обьектинин аймагында жашаган Орто-Токой суу сактагычынын кызматкерлери жана алардын үй-бүлө мүчөлөрү менен жолугушту.
«Мындагы жашоо-шартты ыңгайлуу деп айтууга болбойт. Муну эске алуу менен суу сактагычтын кызматкерлеринин айлык акысын жогорулатуу маселесин кароо зарыл. Жалпысынан алганда, сиздер үчүн ыңгайлуу шарттарды түзүүгө аракеттенип жатабыз», -деди Министрлер Кабинетинин башчысы.
Белгилей кетсек, Орто-Токой суу сактагычы жылына 470 млн куб суу жыйнайт. Суу сактагыч аркылуу Чүй облусунун 220 миң га жери сугат суу менен камсыздалат. Бүгүнкү күндө суунун жетишсиздигине байланыштуу сууну кое берүү көлөмү жогорку белгини – 120 кубду тузүүдө, өткөн жылы бул көлөм 90-100 кубду түзгөн.
Кыргызстандын Сауд Аравия Падышалыгындагы элчиси Улукбек Марипов 28-мартта Ислам кызматташтык уюмунун (ИКУ) башкы катчысы Хиссейн …
Кыргыз Республикасынын Президенти Садыр Жапаров кол койгон Жарлыкка ылайык, Марипов Улукбек Асамидинович Кыргыз Республикасынын Сауд …
Мурдагы премьер-министр Улукбек Мариповдун талапкерлиги Кыргызстандын Сауд Арабиядагы, Улуттук коопсуздук боюнча мамлекеттик комитеттин мурдагы төрагасы …
Министрлер кабинетинин мурдагы төрагасы Улукбек Марипов социалдык тармактагы баракчасы аркылуу видеокайрылуу жасады. Ал төрагалык кызматта …
Кыргыз Республикасынын президенти Садыр Жапаров кол койгон Жарлыкка ылайык, Кыргыз Республикасынын Конститутциясынын 71-беренесине ылайык, Марипов …
Кыргызстанда Министрлер кабинетинин курамы алмашары күтүлүүдө. Бул тууралуу «Азаттык» өкмөттөгү өздүк булактарына таянып жазды. Маалыматка …
