Бишкек.31.05.2019.Govori.TV.
«Азаттыктын» журналисттеринин Матраимовдордун үй-бүлөсүнүн мүлкүнө байланыштуу иликтөөсү коомчулукта кызуу талкуу жаратты. Басылманын маалыматы боюнча, Мамлекеттик бажы кызматынын төрагасынын мурдагы орун басары Райымбек Матраимовдун жана ЖКнын депутаты Искендер Матраимовдун үй-бүлөсү 2011-жылдан 2017-жылга чейин Кыргызстандан 700 миллион доллардын чыгып кетишине тиешеси бар экени айтылган.
Ал эми, Раимбек Матраимовдун бир тууган агасы «Азаттыктын» видеосюжетинде айтылган акчаны алардын үй-бүлөсү кайдан тапканын айтты.
“Айтылган акчага биздин үй-бүлөнүн тиешеси жок. Ал товар айландырууда жүргөн акча болчу. Толук маалыматты биз кийинчерээк беребиз. Азыр биз буга жооп даярдап жатабыз”,-деди И.Матраимов.
Ал эми, «Автостолица» жана «Ош Плаза» компанияларына жубайы Минавар Жумаевага таандык экендигин депутат Искендер Матраимов тактады.
