Жогорку Кеңештин депутаты Жаныбек Абиров соцтармактагы баракчасы аркылуу билдирүү жазып, катышкан мушташ боюнча кечирим сурады.
Ал өз билдирүүсүндө болуп өткөн окуя боюнча иликтөө ишине көмөк көрсөтүугө жана жоопкерчилик тартууга даяр экенин жазган.
«Мага байланыштуу окуяга баарыңыздар күбө болдуңуздар. Учурда укук коргоо органдары иликтеп жатат, мен алар менен кызматташып, бардык керектүү маалыматтарды берүүгө даярмын. Кыргыз Республикасынын мыйзамдарына ылайык жоопкерчилик тартууга даяр экендигимди жана болгон окуянын олуттуулугун толук түшүнүп жаткандыгымды баса белгилегим келет.
Мен эл өкүлү катары, кандай гана жагдай болбосун, эмоцияга алдырбашым керек болчу. Ооба, мен ката кетирдим, чоң күнөө мойнумда бар жана кырдаалды жөнгө салуу үчүн бардык күч-аракетимди жумшоого даярмын. Аргенден, анын үй-бүлөсүнөн, жакындарынан чын жүрөктөн кечирим сураймын жана бардык колдоолорду көрсөтүүгө даярмын. Ошондой эле окуяга байланыштуу кыргызстандыктарды жана жалпы шайлоочуларымды кабатырланткандыгым үчүн кечирим сурайм.
Апаларыбыздын жүрөгү эч качан оорубасын. Кечээги окуя болуп өткөн үчүн терең өкүнөмүн. Мени кечирип коюуңуздарды суранамын», — деп жазат депутат.
Эске салсак, 12-мартта Бишкектеги ресторандардын биринде мушташ болгону тууралуу видео социалдык тармактарга тараган. Андагылардын бири Жогорку Кеңештин депутаты Жаныбек Абиров экени айтылган.
Октябрь райондук ички иштер бөлүмү мушташ Бишкектеги «Золотой дракон» ресторанында болгонун, учурда иликтөө башталганын билдирген. Кийинчерээк милиция иш боюнча эки жаран кармалганын маалымдаган.
ЖАПАРОВ “ИРКЕШТАМГА” БАРДЫ Президент Садыр Жапаров бүгүн, 28-июлда, Ош облусуна болгон жумушчу сапарынын алкагында Алай …
Жаныбек Абировдун Бишкектеги Ленин шайлоо округунан Жогорку Кеңештин депутаттыгына талапкерлигин көрсөттү. Бул тууралуу Абиров өзү …
Жаныбек Абировдун Бишкектеги Ленин шайлоо округунан Жогорку Кеңештин депутаттыгына талапкерлигин көрсөтүүгө укугу жок. Бул тууралуу Govori.TVга БШКнын …
Бүгүн, Жогорку Кеңештин жалпы жыйынында эл өкүлү Жаныбек Абиров мандатын тапшырганына байланыштуу, кесиптештерине ыраазычылык ирээтинде …
ЖКнын мурдагы депутаты Жаныбек Абиров катышкан мушташта жабыркаган жаран жана анын жакындары менен жолугушуп, кечирим …
Жогорку Кеңештин депутаты Жаныбек Абиров мандатын тапшырат. Бул тууралуу депутат өзү фейсбуктагы баракчасына жазды. «Менин …
