Профсоюздар федерациясынын төрагасы Мирбек Асанакунов менен орун басары Канат Осмоновдун ортосунда чыр чыкты. Экөө төраганын иш бөлмөсүндө бүгүн, 25-февралда кайым айтышты.
Асанакуновдун иш бөлмөсүнүн алдына өздөрүнүн сөзүн айтуу үчүн 60 чакты адам чогулган. Алардын пикиринде, Асанакунов 3 жылдан ашык убакыттан бери төрагалык кызматты мыйзамсыз ээлеп келет.
Ал жерде чогулгандардын айрымдары Асанакуновдун бөлмөсүнө кирип барышты. Алардын арасында Осмонов да бар.
Бирин-бири алдамчылыкка айыптаган Осмонов менен Асанакуновдун кайым-айтышуусунун видеосун маалымат каражаттары жайгаштырды.