Борбордук шайлоо комиссиясында күч кызматкерлери келип, документтерди карап, тинтүү болуп жатканын БШКнын мүчөсү Фейсбук баракчасына жазып чыкты.
Маалымат боюнча, 12:00гө жакын милиция кызматкерлери келип БШКнын айрым мүчөлөрүнөн түшүнүк кат жаздырышкан.
Учурда БШК чукул жыйынга чогулуп жатканы маалым болду.
Эске салсак, 21-октябрда ИИМ кызматкерлери БШКнын мүчөлөрүн күбө катары суракка алып кетүүгө аракет кылган. Милиция бул 4-октябрдагы парламенттик шайлоодон кийин чыккан башаламандыкка байланыштуу экенин айткан