Бишкек.30.04.2019.Govori.TV.
Бүгүн, 30-апрелде Ала-тоо аянтында “Жашылдар” партиясы уранга каршы митингге чыккан. Митингден кийин партиянын лидери Эркин Бүлөкбаевди укук коргоо органдарына алып кетти. Бул тууралуу маалыматты Бишкек шаарынын ички иштер башкармалыгы тастыктады.
Маалыматка ылайык, Эркин Бүлөкбаевге кодексти бузуу боюнча 3000 сом айып пул коюлат. Шаардык ички иштер башкармалыгы Эркин Бүлөкбаев эки жолу соттор митинг өткөрүүгө тыюу салганын эске албай, бүгүн Ала-Тоо аянтында митинг өткөргөнүн түшүндүрдү.
Эске салсак, Бишкек шаарынын Биринчи май райондук соту 30-апрелде “Ала-Тоо” аянтында митинг өткөрүүгө тыюу салган. Буга чейин “Жашылдар” партиясынын лидери Эркин Бүлөкбаев митингди Горький атындагы аянтчага өткөрүүнү сунушташканын, бирок, алар Ак үйдүн астына чыгууну көздөп жатышканын билдирген.
