Нарын облусунда Нарын дарыясына түшүп кеткен эркек киши изделүүдө. Бул тууралуу ӨКМнын басма сөз кызматынан билдиришти.
Маалыматка ылайык, 15-апрелде Нарын шаарында дарыяга эркек киши (аты-жөнү такталууда) түшүп кеткендиги тууралуу маалымат куткаруучулар бөлүмүнө келип түшкөн.
Издөө иштерин жүргүзүүгө 5 куткаруучу тартылган. Азырынча издөө иштери уланууда.