Нарындын мэри Болотбеков кызматтан кетүү тууралуу арыз жазды

Нарын шаарынын мэри Самарбек Болотбеков кызматтан кетүү тууралуу арыз жазды. Бул тууралуу Govori.TVга өздүк булактар билдирди.

Маалыматка караганда, Болотбеков отставкага кетүү арызын бүгүн, 28-сентябрда жазган.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен «Кыргызстан» партиясынын мүчөсү, экс-депутат Руслан Чойбековду 16-сентябрда кармалган. Бул иш боюнча Жазык кодексинин 204-беренесинин 3-бөлүгүнө («Алдамчылык, өзгөчө ири өлчөмдө жасалган жосун») ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо «Кыргызстан» партиясынан талапкер болгон, Нарындын мэри Самарбек Болотбеков кармалып, сыртка чыкпоо тил каты менен бошотулган.