Кремлдин басма сөз катчысы Дмитрий Песков Казакстандын экс-президенти Нурсултан Назарбаев өткөн аптанын соңунда орус мамлекет башчысы Владимир Путин менен жолугушканы тууралуу маалыматтарды бышыктады.
Анын айтымында, Москвадагы кездешүү «жеке мүнөздө» болду. Бирок сүйлөшүүнүн максаты жана мазмуну маалымдалган жок.
Назарбаевдин расмий каналдары Москвага сапар тууралуу жазган эмес.
Ulysmedia басылмасы расмий эмес кездешүү 19-декабрда экс-президенттин демилгеси менен өткөнүн кабарлады. 18-декабрда орусиялык Телеграм-каналдар Назарбаев Москвага барганын, Путин менен кездешүүсү пландалганын билдиришкен.
«Ведомости» орус президентинин Назарбаев менен буга чейинки кездешүүсү былтыр июнда Москвада болгонун эске салат. Анын алдында өткөн референдумда мурдагы мамлекет башчы тууралуу жоболор, берилген артыкчылыктар Конституциядан алынган.
«Независимая газета» ошондо эксперттерге таянып, Назарбаев «жеке кепилдиктерди камсыздоодо орус лидеринин колдоосун алууга келгенин» жазган.
2019-жылы Назарбаев бийликтен кеткенин жарыялап, президенттик кызматты өзүнүн кишиси, парламенттин сенатынын төрагасы Касым-Жомарт Токаевге өткөрүп бергени менен өлкө башында кала берген.
Бирок 2022-жылдын январындагы кандуу окуядан кийин Токаев Коопсуздук кеңешиндеги төрагалыкты өзүнө алган жана Назарбаевдин таасири алсыраган. Ошондон кийин ал эл алдына сейрек чыгып калды.
21-февралда Казанда Тажикстан менен Орусиянын президенттеринин жолугушуусу өттү. Татарстанда Орусия, Тажикстан, Кыргызстан, Өзбекстан, Казакстан жана …
Орусиянын Борбордук шайлоо комиссиясы Владимир Путинди президенттикке талапкер катары каттоого алды. Конституцияга киргизилген өзгөртүүлөргө ылайык, …
Гамбург соту америкалык Forbes журналына орусиялык миллиардер Алишер Усмановдун президент Владимир Путин менен байланышы тууралуу …
Орусия президенти Владимир Путин Түндүк Кореянын лидери Ким Чен Ындын чакыруусу менен жакында Түндүк Кореяга …
Россия Федерациясынын президенти Владимир Путин бүгүн, 6-декабрда, Кыргыз Республикасынын Президенти Садыр Жапаровду туулган күнү менен …
Орусия президенти Владимир Путин 6-декабрда Сауд Арабиясы менен Бириккен Араб Эмираттарына барат. Анын эртеси Москвага …
