«Алга Каракалпакстан» партиясынын Норвегияда жашаган лидери Аманбай Сагидуллаев менен Казакстандагы каракалпак диаспорасынын өкүлү Ниетбай Уразбаев Нукус окуяларына байланыштуу сыртынан соттолушту.
Каракалпакстан сотунун кылмыш иштери боюнча соттук коллегиясы чыгарган өкүмгө ылайык, Сагидуллаев 18 жылга, Уразбаев 12 жылга эркинен ажыратылды.
«Алга Каракалпакстандын» лидери «Өзбекстандын президентин ачык кемсинтүү же жалаа жабуу», «Өзбекстандын конституциялык түзүлүшүн күч менен өзгөртүүгө ачык чакырык жасоо», «Талап-тоноочулук менен коштолгон жапырт башаламандыкты уюштуруу» жана «Коомдук коопсуздукка коркунуч алып келген материалдарды даярдоо, сактоо жана таратуу» беренелери боюнча күнөөлүү деп табылды. Сот өкүмүнө ылайык, ал 18 жылдык жаза мөөнөтүнүн эки жылын түрмөдө, калганын жалпы режимдеги абакта өткөрөт. Мындан тышкары Аманбай Сагидуллаевдин интернеттеги баракчалары менен каналдары бөгөттөлгөн.
Ниетбай Уразбаев «Бийликти басып алуу үчүн кутум уюштуруу», «Зомбулук, талап-тоноочулук менен коштолгон жапырт башаламандыктарды уюштуруу» жана «Коомдук коопсуздукка коркунуч алып келген материалдарды даярдоо, сактоо жана таратуу» беренелери боюнча күнөөлүү деп табылды.
Активисттердин иши боюнча сот жараяны быйыл марттын аягында башталган. Айыпталуучулар өлкө сыртында болгондуктан алар сот отурумдарына катышкан жок.
Ысык-Көл райондук соту 5-апрелде Ысык-Көлдүн Бостери айылында киши колдуу болгон Бекбол Аманкуловдун өлүмүнө айыпталгандарга карата …
Чет өлкөлүк жаранды зордуктоого шектелген актёр Чыңгыз Мамаев акталды. Бул тууралуу Govori.TVга адвокат Нурсултан Жаныбеков …
Бүгүн, 12-апрелде Бишкектин Свердлов райондук соту 15 жаштагы кызды зордуктады деп айыпталган жаранды актады. Бул …
Журналисттер Жоодар Бузумов, Тыныстан Асыпбеков, Сайпидин Султаналиев жана «Temirov Live» каналынын мурдагы кызматкери Максат Тажыбек …
Бүгүн, 1-апрелде Жогорку Кеңештин Социалдык саясат боюнча комитетинин жыйынында депутат Камила Талиева Саламаттык сактоо министри …
Бүгүн, 27-мартта Бишкек шаардык соту журналист Жоодар Бузумовдун баш коргоо чарасын карамак, бирок анын жактоочусу …
