Камактагы жазуучу, публицист Олжобай Шакирдин бүгүн 24-ноябрга белгиленген соту өтпөй калды. Буга аны сотко алып келишпегени себеп болду.
Маалым болгондой, кийинки отурум 6-декабрга белгиленди.
Эске салсак, Олжобай Шакир 23-августта Улуттук коопсуздук боюнча мамлекеттик комитетине суракка чакырылып, дээрлик сегиз саатка созулган сурактан кийин камалган.
Ага “массалык башаламандык уюштуруу”, “бийликти басып алуу аракети” беренелери боюнча айып коюлуп жатат.