Жалал-Абад облусунда жергиликтүү тургундар ифтарда ууланып, 12 адам облустук ооруканага кайрылышкан.
Маалыматка ылайык, анын ичинен 10 адам амбулатордук дарыланууга жөнөтүлүп, экөө ооруканага жаткырылган.
Оорулардын алдын алуу жана санитардык-эпидемиологиялык көзөмөлдөө борбору 26-марттан тарта мекеменин иши убактылуу токтотулуп, 23 миң сом айып салынганын билдирди.