Орусия жана Украина президенттери жума күнү телефондон сүйлөшүп, “Норман төрттүгү” форматындагы келерки жолугушууну талкуулашты.
Бул тууралуу украин президенти Владимир Зеленскийдин кеңсеси билдирди. Донбасстагы кырдаалды жөнгө салууну көздөгөн сүйлөшүүнүн кезектеги айлампасы качан болору айтылган жок.
Маалыматка караганда, Зеленский менен Владимир Путин “Донбасс жана Крымдагы убактылуу оккупацияланган аймактардагы жана Орусияда кармалгандарды бошотуу» маселесин да козгошту.
Кремлдин басма сөз кызматы телефон сүйлөшүү жөнүндө маалымат тарата элек.
Сөз болгон эки өлкөнүн жана Франция, Германиянын лидерлери катышкан “Норман төрттүгү” форматындагы жолугушуунун акыркысы бир топ тыныгуудан кийин, былтыр декабрда Парижде өткөн. Анда Украинанын чыгышындагы кырдаалды жөнгө салууну караган Минск келишимдерин аткаруунун “жол картасын” түзүү, Донбасстагы үч жерде жаатташкан тараптардын күчтөрүн куралдуу жаңжал тилкесинен чыгаруу жана туткундарды айырбаштоо тууралуу макулдашылган. Азырынча ушул акыркы пункт гана аткарылды.
2014-жылы Украинанын чыгышында орусиячыл жикчилер менен өкмөттүк армия ортосунда уруш башталган. Жаңжал ошондон бери 13 миңден ашуун кишинин өмүрүн алып кетти. Ага чейин Москва кошуна өлкөнүн Крым жарым аралын аннексиялап алган.
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Казакстандын президенти Касым-Жомарт Токаев Шавкат Мирзиёевдин чакыруусу менен 5-апрелде Өзбекстанга барды. Бул тууралуу өзбек президентинин …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
Президент Садыр Жапаров бүгүн Чүй облусунун Сокулук районундагы мобилдик мульти-диагностикалык комплекстин иши менен пландан тышкары …
