8-декабрда Оренбург-Акбулак унаа жолунда каза болгон 4 кыргызстандыктын сөөгү тийиштүү процесстерден кийин мекенине жиберилет. Бул тууралуу Кыргызстандын Орусиядагы элчилигинин басма сөз кызматы кабарлады.
Маалым болгондой, жаракат алган дагы 3 жаран Соль-Илецк шаардык ооруканасына жеткирилип, абалдары оор экени айтылат.
Эске салсак, Россиянын Оренбург-Акбулак жолунда болгон жол кырсыгында 4 кыргыз жараны каза болгон.