Орусиянын премьер-министри Михаил Мишустин 1-декабрда жумушчу сапары менен Өзбекстанга барды.
Орус басылмаларынын маалыматына караганда, Мишустиндин сапарынын алкагындагы расмий иш-чаралар 2-декабрда башталат. Күн тартибине ылайык, жума күнү ал өзбекстандык кесиптеши Абдулла Арипов менен бирге эки тараптуу өкмөттөр аралык комиссиянын жыйынын өткөрөт. Анда эки тараптуу кызматташтыкты өнүктүрүүгө байланышкан маселелер талкууланат деп пландалууда.
«Негизги басым соода-экономикалык, өндүрүштүк, энергетикалык, инвестициялык жана маданий-гуманитардык тармактар боюнча кызматташтыкты бекемдөөгө жасалат», – деп жазылган орус өкмөтүнүн басма сөз кызматы таркаткан билдирүүдө.
Мындан тышкары өкмөт башчылар 2-декабрда Самарканд шаарында өтө турган өзбек-орус бизнес-форумунун пленардык жыйынында сөз сүйлөйт деп күтүлүүдө. Бул форумга Орусиянын 150гө жакын компания-ишканаларынан келген 360тан ашык киши катышары кабарланган.
28-ноябрда Москвада Казакстандын президенти Касым-Жомарт Токаев менен орус лидери Владимир Путиндин жолугушуусунда Орусиянын, Казакстандын жана Өзбекстандын катышуусундагы «үч тараптуу газ биримдигин» түзүү сунушу айтылган. Токаев алгач бул сунушту жактырып, бирок кийин «каалаган жыйынтыкка жетүү үчүн казак тарап маселенин маңызын жакшылап түшүнүшү керектигин» айткан.
Өзбекстан жана Орусия өкмөт башчыларынын деңгээлиндеги буга чейинки өкмөттөр аралык комиссиянын жыйыны 2021-жылы июнда Москва шаарында өткөн.
Министрлер кабинетинин төрагасы Акылбек Жапаров Россия өкмөтүнүн төрагасы Михаил Мишустин жана Армениянын премьер-министри Никол Пашинян …
Душанбеде Орусиянын өкмөт башчысы Михаил Мишустин менен Тажикстандын премьер-министри Кохир Расулзода эки өлкөнүн өз ара …
Орусиянын премьер-министри Михаил Мишустин 1-2-декабрь күндөрү Өзбекстанга барат. Бул тууралуу Podrobno.uz сайты Орусиянын Өзбекстандагы соода …
Ысык-Көл облусунун Чолпон-Ата шаарында өтүп жаткан Евразия өкмөттөр аралык кеңешинин жыйынынын алкагында Кыргыз Республикасынын Министрлер …
Кыргызстандын Министрлер кабинетинин төрагасы Акылбек Жапаров менен Орусиянын премьер-министри Михаил Мишустин телефон аркылуу сүйлөштү. Бул …
Нур-Султан шаарында өтуп жаткан Евразиялык өкмөттөр аралык кеңешинин кезектеги жыйынынын алкагында Министрлер кабинетинин төрагасы Акылбек …
