Бишкекте Ош базарынын айланасы башаламан соода-сатыктан тазаланды. Бул тууралуу Бишкек шаардык мэриясынын басма сөз кызматынан билдиришти.
Рейд учурунда 33кө жакын объект алынды. Алар — чатырлар, шатёрлор, столдор, отургучтар, манекендер, арабалар. Кызматкерлер соодагерлер менен базардын белгиленген чегинен тышкары жерде коммерциялык ишмердүүлүктү болтурбоо жөнүндө түшүндүрүү иштерин жүргүзүштү.
Рейддик иш-чаралар муниципалдык администрация тарабынан үзгүлтүксүз негизде жүргүзүлүп турат.