Ош базарынын айланасын тазалоо боюнча өткөрүлгөн рейд учурунда кармалган жарандардын 34тү 5 күнгө камакка алынды. Бул тууралуу Милициянын кайгуул кызматынын басма сөз кызматы кабарлады.
Маалыматта айтылгандай, Милициянын кайгуул кызматкерлери Ош базарынын айланасын тартипке салуу максатында атайын рейддик иш-чара өткөрүп, анын алкагында 65 жаран Ленин райондук ИИБне жеткирилген болчу. Ошонун ичинен 34 жаранга соттун чечими чыгып, 5 күнгө камакка алынды. Анын ичинде ичинде 3 аял кишилер да бар.
Рейд болгондон кийин, кайгуул кызматы тазалык муниципалдык иш-канасынын кызматкерлерин чыкыртып, жеткирилген жарандардын мыйзамсыз жатып жүргөн жерлериндеги эски төшөк, кийим, бөтөлкөлөр өңдүү буйум териндерин баарын тазалашкан.
Азыркы учурда Ош базарынын айланасы таза жана коопсуз.